الدروة24 متابعة مدير الموقع عبد الرزاق الزفزافي
الدكيك هشام الدكيك هو ماشي غير مدرب المنتخب المغربي فقط هو محاضر عالمي وخبير دولي فرياضة الفوتصال وكلفاتو FIFA بتطوير الرياضة في افريقيا وفايت زار الاتحاد الجزائري وعطاهم خطة طريق باش يهتمو باللعبة الان بانت التمار ديال العمل وفوقت وجيز فازو على منتخبات متقدمة عليهم فالتصنيف وكانو قراب يلعبو الكان .هشام الدكيك فالظرفية ديال الفاسي الفهري رئيس الجامعة السابق كان كسافر من قنيطرة لرباط من جيبو باش يطلب معسكر للمنتخب وكبقا جالس فالكلوار من 8.00 حتال 18.00 وكسمع كلمة (واش باقي داك خاينة تما) وفالاخير كقبلو بزز ولا كردوه خائب من بعد جات جامعة لقجع لهتمات بالرياضة ودارت ليه سالير معقول وكان اول سالير فتاريخ الرجل ودارت بطولة قوية ومعسكرات شهرية لكل المنتخبات .هشام الدكيك شاد المنتخب المغربي من 2010 وبقا كتقاتل ومؤمن بدكشي لكعرف ليه وهو مخترع خطة (العشوائية المنظمة) لكلعب بيها المنتخب المغربي ومن المدربين القلائل فالعالم لكدخل 13 لاعب وكبدل تشكيلة اربع لاعبين فكل تلات دقائق هدشي لكنهك اي خصم كفما بغا يكون فالعالم .هشام الدكيك عمرو مطلب الزيادة فالصالير وعمرو مدار ضغط على الجامعة وقاليهم راه جاني عرض من المنتخب الفلاني والفلاني رغم انه فالحقيقة كتلقا اتصالات ولكن قانع بدكشي لعطاه الله وباغي يخدم بلادو .